നിന്റെ സ്വപ്നത്തിൻ ജലരാശിയിൽ
പ്രണയത്തിൻ ജ്വാലാബിംബങൾ
വീണുചിതറുമ്പോൾ
വെറുമൊരു നീല നീർപൂവായി
ഞാൻ നിന്നിൽ മുഖം നോക്കിനിൽക്കുകയായിരുന്നു...
ഏതോ തപ്തനിശ്വാസത്തിൽ നിൻ വനിയിലെ
വെൺ പനീർ പൂവുകൾ ആകെ ചുവന്നു തുടുക്കവെ..
ഇതൾ തുമ്പിൽ ഒരുമഞ്ഞ് തുള്ളിയായ്
ഞാൻ പുകയുകയായിരുന്നു
.ഇപ്പോൾ,
അഭിനിവേശത്തിന്റെ ആഴിതിരമാലകൾ പുണരുന്ന
ആർദ്ര തീരമായി നീ ശാന്തമലസം ശയിക്കുമ്പോൾ
ഒരു കടലിന്റെ ഗദ്ഗദമൊതുക്കിയ വെൺശംഖായി
ഞാനിതാ ഇവിടെ വന്നടിയുന്നു...
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ