ഇരുളിൽ...

തിങ്കൾ തിരുമുറിവിലൂറും..
നിലാവിൻ നീലിച്ച നിണം വാർന്നൊലിച്ചും.
മകരം മെനഞ്ഞുനീർത്തും
കുളിരിൻ പുതപ്പിനുള്ളിൽ കുടഞ്ഞു തുള്ളിയും
ഉടലാകെ താരകളുണൽ പൊന്തിതിണർത്തും.
ജ്വരപീ‍ഢിതയാമീ രാവിൻ ഞരക്കങൾ
കാതോർത്തിരിക്കയാം
നിർനിദ്രമീതിരിവെട്ടത്തിലെന്തോ കുത്തികുറിച്ചും
കൊണ്ടെന്റെ രോഗശയ്യയിലിന്നുഞാൻ..
ഏതോവിഹ്വലതകളെന്റെയുള്ളിലും
ചിറകടിക്കയാണൊരു രാപ്പാടിയായതിൻ
പാട്ടുഞാൻ കേൾക്കുന്നു.:“
“പുലരുമോരാവ് പുലരാതെ തുടരുമോ
വിരിയുമോകനവ് വിടരാതെ കൊഴിയുമോ?”